Shhhh, haan yo pay iwar-waras ti sekreto ti Sison, no ngay adda umay nga mangitaray kenyana, AYE, di datayo ti maawanan? Ngeeek!

Magandang tanghali sa lahat nang dumalo para magprotesta at ihayag ang tunay na kalagayan ng bayan, dito sa SONA ng Mamamayan. Mabuhay kayo!

Alam nating puro kasinungalingan ang bibigkasin ni Gng. Arroyo sa kanyang SONA sa Konggreso. Ipapamalas nating ngayon na hindi na niya maloloko pa ang taumbayan.

Hindi tayo titigil, bagkus pag-iibayuhin natin ang pagprotesta hangga’t nakaupo si Gng. Arroyo sa Malakanyang. Sapagkat hindi na dapat patagalin pa ang kanyang papet, pasista at bulok na rehimen.

Bumubulusok ang satisfaction, approval at trust rating ni Arroyo – ayon sa bagong Pulse Asia survey: 48% disapprove, 22% approve; 53% small or no trust, 19% lamang ang may tiwala. Pinakamasahol ito sa kasaysayan, at sa lahat ng grupong sosyo-ekonomiko — patunay na tinatakwil at inuusig ng malawak na masa ang rehimen sa kanyang mga krimen at iba pang kasalanan sa bayan.

Naghuhugas-kamay ang rehimen sa sumisirit ng presyo ng langis, bigas, iba pang mga pangunahing bilihin at serbisyo tulad ng tubig, kuryente, edukasyon. Wala na raw magagawa ang gubyerno ngayon kundi iraos ang mga problema at palipasin ang bagyo ng pandaigdigang krisis. Magpasalamat pa raw tayo’t maayos ang pamamahala ni Gng. Arroyo kundi’y higit pa ang hagupit ng krisis.

Subalit ano ang totoo? Totoong bahagi ang nararansan nating krisis ng isang pandaigdigang krisis, ang krisis ng imperyalismo. Pero hindi totoong walang magagawa at walang pananagutan ang gobyerno sa krisis na kasalukuyang bumabayo sa ating lipunan.

Panay ang anunsyo ni Gng. Arroyo ng mga sabsidi para diumano maibsan ang gipit na sitwasyon ng masang Pilipino ngayon. Pero ayon sa Pulse Asia survey, wala pa ring tiwala at hindi nasisiyahan sa performance ni Arroyo kahit ang mga tumatanggap ng sabsidi mula sa gobyerno.

Tinatanggihan ni Arroyong ipatupad ang mga hakbang na kagyat na makapagpapababa ng mga presyo ng mga bilihin tulad ng pagtanggal ng VAT sa mga produktong langis at kuryente. Ito’y sapagkat tumatabo ang gubyerno ng bilyon-bilyong piso mula sa mga buwis na ito. Ang VAT ay ipinapataw sa atin ng IMF-World Bank at ng mga dayuhang bangko, para matiyak ang tuloy-tuloy na pagbabayad sa ating mga utang. Kinakaltasan ang badyet para sa mga serbisyo para mabayaran ang dayuhang utang mula sa yamang napipiga sa ating mamamayan.

Masahol pa, malaking bahagi ng VAT ang napupunta sa mga bulsa ng criminal na pangkating Arroyo at sa mapanirang gera laban sa mga NPA at Moro, na nagdudulot lamang ng malawakang paglabag sa mga karapatang pantao at higit na kawalan ng kapayapaan sa bansa.

Lupa at suporta sa agrikultura ang hinihingi ng mga magsasaka; mga manggagawa’y, trabaho at sahod; mga kabataan, edukasyong abot-kaya at pag-asa sa kinabukasan; mga maralitang lunsod, disenteng pamumuhay. Ang mga panggitnang uri naman ay naghahanap ng matuwid at malinis na gubyerno, asenso sa buhay, at pagsugpo sa kriminalidad.

Sa walong taon sa poder, hindi ito ibiniga ng bulok, papet at pasistang rehimeng US-Arroyo. Reporma sa lupa? Ang mga Arroyo mismo ay mga cacique, nagtataguyod ng interes ng malalaking panginoong maylupa kaya’t walang pagnanasang magpatupad ng tunay na repormang agraryo.

Disenteng trabaho? Ipinagpapatuloy ni Arroyo ang patakarang maging tambakan tayo ng mga sobrang produkto at kapital ng mga imperyalistang bansa sa halip na itayo ang sariling mga industriyang magbibigay ng trabaho, gagamit ng mga hilaw na sangkap mula sa bansa at tutugon sa sarili nating pangangailangan.

Walang habas na ipinatutupad ni Arroyo ang mga patakaran ng imperyalistang “globalisasyon” kahit na winawasak nito ang agrikultura’t anumang natitirang industriyang Pilipino. Tayo diumano’y bansang agrikutural pero ni hindi mapunuan ang pangangailangan sa bigas at iba pang pagkain ng sariling mamamayan. Binubuhay lamang ang ating ekonomiya ng remittances ng mahigit 10 milyong OFW at walang katapusang pangungutang.

At upang makapanatili sa poder si Arroyo sa kabila ng kalagayang isinusuka at kinamumuhian na siya ng sambayanan, nagpapakatuta siya sa imperyalistang US at sunud-sunuran sa panggegera nito sa mundo sa ngalan ng kontra-terorismo; kinukunsinti ang mga korap at pasistang mga heneral at ginagawang pambala sa kanyon ang karaniwang mga sundalo; sinusuhulan ang mga konggresista, gubernador at ibang lokal na opisyal, maging mga Obispo; at patuloy na winawalanghiya ang bayan at pinapasista ang mamamayang lumalaban.

Kamakailan lamang, sinabi ni Arroyo na maaaring maging mayaman at maunlad na bansang First World ang Pilipinas sa loob ng dalawampung (20) taon, BASTA’t magpatuloy ang pagkakaisa’t pagtutulungan ng lahat.. Hudyat kaya ito ng pag-ahon sa atrasado at dustang kalagayang malakolonyal, malapyudal? O ibig sabihin ni Arroyo na kailangang manatili siya sa poder ng dagdag pang dalawampung (20) taon upang maiahon ang Pilipinas sa kahirapan at maihatid sa kaunlaran?!

Mga kababayan, mga kasama. Napakarami, napakabibigat at napakahihigpit ng mga dahilan para kagyat na patalsikin ang korap, papet at pasistang rehimeng US-Arroyo. Pero para maisagawa ito, dapat pa nating palakasin at palawakin ang ating hanay. Dapat nating mabuo at pag-ibayuihin pa ang kapasyahan ng sambayanang patalsikin ang rehimeng ito upang mahawan ang daan tungo sa makabuluhang mga pagbabago sa ating lipunan.”

Mingasat kayo nga adda abrod na ta mangan kayo latta ket kasanon dakamin agpupuunan ti mindakkel ya tapno makamula ti kamatis ken natnateng no ipan mo ilakon baraten da met dimin a maparwar diay puunan mi apo unayen nga rigat di kami met nasadot diyem ale mapabasol dakami garud? sao sao lang dayta kunkunana kadit awan aramid da uray ania kunkunayo kunak met la kunak a.

Aye inkabil yo pay la ditoy ta kunkunana makapakintayeg baw!
salakanen payen.