18 thoughts on “Sagunto Star v2 pages 3 and 4

  1. Anonymous

    Wow, look at those old pics. Tarake met gayam ni uncle Joseph huh….. Thats my uncle….

    delores

    Reply
  2. eva

    hahhahaha! so cute and wow ania nga month and year nga issue daytoy manen sis? I remember uncle tony abenoja he was so good and so protective kaniak during my junior / Senior high nagsingpet isu na ken so cool how is he now diak man la nadamdamag no adda asawa nan, So with uncle Joseph How are you? Ay na Janet tawagam manen ta ibagam nga bisitaen na toy blog haven’t heard from him yet ask mo no muzta ni Mr. vallarta during his Saudi Days. kasla nga saan nga ni Carol dayta? da Emma and Divina I know them classmate ko diay waig idi and of course ni Babot saan ka nga taga Sagunto no dim amammo ni Babot wow nice sharing those faces makapalagip ti napalabas.

    Reply
  3. Anonymous

    TI PASTOR

    ket kasla maysa a pastor
    ti nuang, mangiturong ti dalan.
    ket kas iguyod na dayta tali
    ta ngusom, kitaem met ta
    pagpagnaam, ta dalan nga
    makita ti pastor, nawaya,
    napatag, di kan to maitulid
    no tungpalem ta tunggal
    instruksyon, bugkaw na
    nga inaldaw.

    ket kas maysa a nuang
    nga nasingpet, nabaked
    adut kabaelam, patgen daka
    ti pastor, uray mangsaplit,
    ta kudil mo a napuskol,
    digusen dakan to met laeng,
    eskobaen ta likod mo,
    ikkan ti shampoo nga
    “Gee ur heyr ismels teripik”
    ta bumanglo ka nga mapan
    makigimong inton domingo.

    ket kas pastor ti kalding,
    iwayway daka dita
    “grin pastyur” ta taltalon
    tapno indakan to met
    gatasan ti presko
    nga gatas mo, inton
    renobasyon ti kapilya yo
    (hehehe).

    ket uray man nagwapo
    wenno kagapuan dayta
    pastor yo ta tengnga,
    laud wenno daya,
    dyay to met laeng leksyon,
    naayat a sermon, ti kunkunana
    ti ingka panunuten
    no inka aginana.

    ket inkay kadi sinaludsod
    uray maysa beses no mayat
    met laeng ti salun-at na?
    inkay met kadi inikkan ti
    tulong a namnama no adda
    parikot ti pamilya na?
    ti pastor met ket tao,
    adda kasapulan na, adda
    pamilya nga inna taraknen
    nayon ti dakkel nga pamilya
    ti Apo, maparigat no awan
    uray isem nga inka ipurwak
    no inna kasapulan.

    no syak ti pastor,
    syak koman ti karagsakan
    toy lubong ta napusaksak
    ti biag, napilpili ak!
    ta uray managbasol idi
    dyay pusok itatta
    ti baro a namnama….

    apo lakay

    aguray kayo, no padi sa
    maymayat ta uray mano nga
    sermon ti maysa nga aldaw
    kanayon ti syat na, hmmmn….

    Reply
  4. eva

    umay kayo man met ngamin ditoy ag comment ta ni apo lakzzz ket mayat ti kunkunana pammalagip kadagiti Papastor nga mangay aywan ti Iglesia nga binangon Ni JC. Ken kitaen yo ta saan laeng nga ni Pastor ti mangan uray pay dagiti kakadua na nga katrabahuan met ti uneg ti kapilya laglagipen yo met.

    Reply
  5. Romelia

    ayna, dagita met aya nga lang langa nagtataraki ket kin nagpipintas. At least adda latta met ti pakakitaan dagidti naglabas.Yeah I think l do remember Uncle Joseph at this picture. During his days in Iraq he was there during the war of Iran and Iraq it was late ’70. Simmanpet nga bigla after few months there. For God’s help he was safe and alive.God Bless.
    “The oridinal Bagets”, this was taken in Tagudin Ilocos Sur during the NCLConference. I was the youngest in the group.I did enjoy the conference in TagudinI.S.Naglalaing da nga abasketball apo kin nalaing pay nga agkanta.

    Reply
  6. jb

    Hi mnang evz, nag guapo latta ni kel joseph! i will call him tomorrow and let him know! I told him about this site in fact i gave JL his daughter the web add, bka busy lang ni uncle, working too much cguro he he he..

    Reply
  7. Omom

    Romelia, sino ti nalaing nga agkanta idi? Ibagam man ta padasen tayo nga dingen ti boces na diay Ksolo 🙂 Uray ni Cristy Pascua ket na stuck met isuna idi nagrugi ti 1st Gulf war ta adda met isuna diay idi…

    Kmusta kayu amin ditoy.

    ~babot

    Reply
  8. Anonymous

    OMG Janet I felt bad failure notice latta diay nagatiddog nga email ko for you hmmppp! thanks for getting in touch w/ kaka Joseph ay na ibagam nga saan unay agpabpabaknang narigaten hahahahha!

    okay enjoy your day!

    Evz

    Reply
  9. babot

    Thanks for dropping-by RM! Please come visit us again. We try to be inclusive and informative by posting stories about other kailians in Sison so come back again soon.

    Reply
  10. vilma and dorcas

    alah, aglisekayo ta sumrek kami mit ng agina kakaisona ng ada ti tyimpo. nagpintas gayam ti agbasa ti damdamag nga aggapo kadagiti saguntonians nga kabangibang nga nasiones. itulutuloy yo ngarud eva,babot,jeannete,apo lakay ti agipakaammo ta adu ti padpadak nga para basa laeng.ket sooo happy to hear the song by mr.elmer biteng and daughter.keep up my friend,everyone s proud of u both.bareng saan nga agsadotitis toy typist nga dorcas ket maulitto manen ti chatmi .

    Reply
  11. Babot

    Hi Aunty Vilma and Dorcas!
    Hehehehe, imbag man ta imay kayo timmanaw uray man no naladaladaw kayon 🙂 Ay, agpapada kayo gayam kada mama nga kasapulan ti secretaria nga agbasa ti Sagunto Star aya? Hahahaha…OK Dorcas, please be patient with your mum, she might just learn to get on-line by herself one of these days….AND buy you a new one so she can use the one you have now. Hahaha…napasubo ni Aunty 🙂 Please come and chat with us again….

    Reply
  12. evz

    Hello auntie Vilma and Small sis Dorcas at last nangngeg dakay met lang ken saan kay lang agbasbasa a agipadamag kay met hehehhe! missed you all!

    Reply
  13. nicole

    hello saguntonians!sorry but it is my 1st tym to join this site.thanks to d “magnificent 4″4 making the saguntonians in touch.I hope that this will be d start of good communication and healthy relationship with our fellow saguntonians.take care to all and keep up!

    Reply
  14. AMYLYNE FLORES

    (sungbat kn apo lakay maipanggep iti botos)

    Wen apo lakay,siak man met ti agkuna
    Apay ya ngata nga no eleksyon ket mabulag da
    Gapun sa’t kaado ti waras,isut pakaulawan da
    Ta di da pay panunutenen ti nagan nga isurat da

    Nagpigsa la ket gaminen,sulisog ti kuarta
    Sanga kilo nga bagas,noodles ken delata
    Maysa nga dominggo nga abasto dayta
    Ngem mano nga tawen panagsagaba,dayta ti sukat na

    No sika Kulasa,inlakom ti botos mo
    Ay pangaasim ta di kan to agrekreklamo
    No tay opisyal din to agtrabaho
    Ta binayadan na metten napateg nga botos mo

    Ti imas na pay,ammom apo lakay?
    Dagita naibutos nga isu ti agturay
    Ay ta isuda pay ti mangparasay
    Ti napintas nga namnama dagiti ayaten tayo nga barangay

    Ali kaillian,daytoy ket palagip
    No tatta nga botos ket di ka nagsirib
    Daytoy ti kunak konting isip-isip
    Ta din to ket masakbayan tayo ti in maiddep

    Reply
  15. AMYLYNE FLORES

    Apo lakay apayen ta maganas ko metten
    Ti mangiyebkas ti riknak babaen iti daniw
    Dika dumdumlaw,apo agpalpaliiw
    Palubusan dak ketdi,imbag la nga agas ti iliw

    Idi kaubing ko kayat kon nga madanun
    Iti lugar napintas,maawagan LONDON
    Agkakaimas nga makan arigen di pay maukmon
    Dagitoy ti adda ti panunot ko nga agdalu-daluyon

    Adda ditoy kunada,palasyo iti reyna
    Dakkel nga relo,Big Ben ti awag da
    Adda pay London Bridge nga kuna ti kanta
    Sirsiroken river Thames nga isu ti nalawa

    Ngem ta siak ti isu ti adda ditoyen
    Dagus nagrupanget,nag ngaryet ti ngipen
    Pirmi ti lam-min na agpigerger amin
    Diak pulos nalapdan,bagik ti nagkuyegyegen

    Ngem ti pudno nga innak nakita
    Ti agpayso nga rupa ken kasasaad da
    Dagitoy kaillian nga immay nagubra
    Narigat met gayam,pirmi pannakabannog da

    Isu nga dakayo,nabati dita Pilipinas
    Agawat ti kuarta,ay pirmi nga nag ganas
    Panunuten yo ti sakripisyo ken rigat
    Maikkan dakay laeng,napintas ken nagin awa nga biag

    Reply
  16. apo lakay

    ay syay… amylyne, apok,
    mangdadaniw ka gayam met, kas dyay apongmo….
    ket napnapanamon, anya nga dalan inka singangon?

    inkan pinanawan, tay ili tayon,
    anya kadi aya’t, inka biruken,
    biag a naimnas, nabendisyunan ngaruden,
    addaan pamilya, bassit a kwarta
    ngem tengnga ti liwliwa, ayat ken talna.
    ayeeeeee, apayen, apayen, aya……

    ket saan kadi nga dayta’t, intay sapsapulen
    ti kaaduan nga kakabsat, saguntonian, aminen,
    pamilya a naayat, trabaho a napeggat,
    addaan ti kapya, inaldaw nga namnama…

    no maminsan, mabulag ka ti sinnaag ti init
    ta kumikita ka ta tengga, saan nga ta baba,
    sabali’t makitam, ranyag nga makapasakit,
    sabali latta’t kolor na, aglawlaw ta parit.

    ngem nasayaat met, ta inkan innam-ammiris,
    panagbiag ti kakabsat, agsagsagaba ta paris,
    london man, tokyo, dubai, los angeles,
    nga ti pirak saan kanayon a mapid-pidot,
    no di ket sukat ti agarud-od a ling-et,
    ken dayta panunot.

    malagip ko dayta nga apongmo,
    ti kinunana, kapintasan pay latta ti biag ta sagunto,
    bassit nga ubra, panagsakay ken kalakian,
    kitaem ta nalangton to, dayta bangkag mo,
    kas dumakkel dagiti kaykayo ,ken kalding ta likudan yo,
    pumuskol to metten dayta walet mo, ay ay kitaem to….

    ngem ta napegges, angin ti lammin labas ti london bridge,
    asideg ta flat mo, mapan ta trabaho,
    oxford man, prince of wales, queensway ti turong mo,
    awan makita, naisem nga rupa, napapardas amin a pagna,
    kasla ka la al-alya, didaka makita,
    maymaysa ka dita lubong a napilim itatta.

    ay syay, sabali gayam, dayta a lubong mon,
    dakkel a kwarta, dakkel met a sagaba,
    nakissyan payen sa, ta respetomon,
    aramidem amin, ta dimmadakkel ta kasapulamon…

    kas ka la ni kalakian, wenno makina ta taltalon,
    napigsa’t agdang, ag-guyguyod nga kanayon,
    santo nalipatan dakan, sa awan ti ag balon,
    kankanem ta sandwich mo, ta bus stop ta sango,
    agtulo met ta luam, isu pay nga igop mo…
    maymaysa ka sumango, inaldaw aldaw, apoko….

    ket syak met, naglawlaw idi…
    napan nagpadaya,laud, ken amianan,
    ngem kas innak, agsubli ditoy pagilian,
    innak nasarakan, biag a nagloryaan,
    panagretiro ti numo, panagsubli ti baryo,
    panagpagna nga ininayad, ta makitam ti pudno,
    maangot mo ti rosas, makitam ti kolor,
    maisublim ti awis, isem ti gagayyem,
    agtugaw ta paraangan, agdingngeg ti miting,
    ay na, ti pintas na, ti biag ti sagunto.

    agawaam ti agurnong, kusto nga pirak,
    tapno addan to, usarem ta bisnis nga kayat mo,
    agsubli toy naulimek, nabuntog nga biag,
    nabuntog met ti martsam mapan kamposanto…neyyy.

    ti wayawaya ken ragsak, narigat a makita,
    ta nababalkot, agian ta sirsirok, ig-igid ti mata,
    ti artipisyal nga pintas, adda da ta sango,
    ngem ti pudno a ragsak, maibaga ti puso,
    dika a talikdan, dinggem daytoy apok,
    agar-arasaas……….adda dita laeng,
    ururayen na ka…

    apo lakay

    Reply
  17. AMYLYNE FLORES

    Naimbag nga aldaw mo apo lakay nga apong ko
    Agpayso amin dagita kinunam ken obserbasyon mo
    Adda akon sabali nga disso,gapu’t tarigagay ko
    Napinpintas nga biag isu koma’t magon-od to

    Ania ngay garud ket nailaw-anen
    Napintas pakaistoryaan ti LONDON,isu met ti nangngegen
    Kari ti nagin-awa nga biag isut nakaguyuguyanen
    Bareng no adda kapaysoan na nga di dardarepdep amin

    Apong ko maysa laeng ti gapuna
    No apay nga inmayak sabali nga daga
    Biag nga nasayaat,nangato nga edukasyon maited ko koma
    Iti ingunguten nga anak ko,EMAN ti nagan na

    Ania ngay garud ket ina ak metten
    Isu nga pagteggedan isu’t sapsapulenen
    Aglinis ti balay,kasilyas ti kuskuskusen
    Imbag la ket ta pounds ti tangdan,agas ti iliw ken sakit ti nakem

    Ngem uray no kasta,ragragsaken latta
    Ta addan to aldaw ti panag gin-awa
    Anusan ken ipateg,amin nga adda
    Ta amin nga sakripisyo,addanto subad na

    No laeng nabiag pay ni tatang ESDRAS koma
    Ay palalo met siguro,ti ragsak na nga makabasa
    Adda met gayam nangtawid laing ko nga agdaniw,isu siguro’t kunana
    Ngem daksan gasat ta isuna metten tay immuna nga naginnana

    Ali apo lakay gibusak ditoyen
    Ta agrubuatak, ket mapanak agtrabaho metten
    Ituloy kon to no adda gundaway manen
    Ta addan to man basaenen kakabsat ken gagayyem

    Reply

Leave a Reply