Daniw ti Bago

Para kadagidiay saan unay nga managsukain ti comments ket saan pay a nakabasa kadagiti tungtungan nga madama idtoy nga topic, kayat ko man nga ipaladawan dagitoy nga dan daniw ti bago.

Ket dyay Lakay nga gayyem ko kinunana pay…

“mabuteng nga umay dagiti appok ditoyen.
kasla kano aggin-gined ken giyera, makigkigtot dagiti ubbing no adda
manalbuong nga bomba idiay daya,
agikkis dagiti billit, ken agsangit
dagiti kalding ken nuang,agbirok ti pagtarayan da.

“Apay aya nga itulok da, amin a manakabalin ti palasyo,
kabutbuteng nga aramid,
kinunada progreso, awan met latta.”

Agsaludsod manen diyay ubing…
“Laki, dayta rainbow, adda kadi
treasure na diyay ipus na?”

“Wen a, kinuna na, dayta makit-kitam aya, dayta puraw nga bantay
nga ipus na, dayta laeng tawid mi apok, ngem takawen dan sa…”

Makasangit dyay gayyem ko,
Lakay ngem nababa ti lua na.
Hohohoho, makasangitak sa met.
Ay wen, Apo,Isalakanna kami koma.

~Apo Lakay

ay ay sidong ilay apay ngay nga kastoy metten ti pagbanbanagan ti ili mi napudot no kalgaw nalammin no naangin ay ay sidong ilay nakabasol kamin san nga nagitalkan daydi lalakay nga mangsalaknib ti aglawlaw ay wen aya! Isuro na kam ngarud ti inkam aramiden iturong nakam ngarud ti pagsayaatan tapno di mi ilako ti iloko toy napateg nga lugar ti kabaguan ay ay ay sidong maay!
ayannantay dumadaniw nga tubo ti bario ala sika man met ti agsalidummay hahahah!

~kimat

Maysa nga aldaw, kalpasan ti bannog ken arado,
diay kantina nagpondo,
basi ken mani, ti sanguanan mi,
ahhh nagimasen, biag ti kallapaw,
banbantay di kalgaw,
diak malipatanen…

Ket manen dyay gayyem a lakay,
agistorya ti sangsangit
ken kapannunutan…
“Diyay ubing “, kinunana,
Adu-ado’t makitkita na…

“Laki, dayta dakkel a Tao,
Ni Apo Dios aya?
Nagrukbam ti amin,
Pinulbusan da’t puraw,
Pinunasan da’t dalan na,
Apay aya?”

“Ala nagpintasen, sarrukod dyay Tao
Sanga-sanga, kumilap-kilap
Adda pay nguso na,
Hahaha, ipakpakita da,
Igatangan dak met a Laki,
Maysa nga kasta”.

“Ngem napintas kadi
Dayta nga bagi?
Kabuteng na amin, agsarukoden,
Bileg met pagna na,
Adda kadi dakes nga aramid na?

Ay wen, bassit nga ulo,
Bassit nga mata,
Ngem dakkel nga panunot,
Dakkel a namnama.

Apo Isalakannakami.

~apo lakay

5 thoughts on “Daniw ti Bago

  1. Omom

    Ooooh. Talaga nga ignorante ak ti min adu-adu nga banag. Ania ti diperensya ti daniw ken dung-aw? Ta no basbasa-ek dagdiay insurat da Apo Lakay, Kimat,etc. ket ti tunona kasla nga dung-aw nga makapaladingit. Isu nga in-print ko tapno ipakita’k keni mama ken Lola ta adu dagidiay sa’an ko unay nga na awatan nga sao. Okay, I had to go to Iloco (via Google, LOL!) to find out what daniw is. Ala, a ket BRAVO da manen. Min adu ket ti talents ti taga Sagunton. Sige, adu latta ti ma’adaddal ko ditoy. Tenk you, ngarud Apo Lakay ken Kimat ti napintas nga poem you.

    Babot

    Reply
  2. Omom

    Kasdiay gayam ti “allegorical poetry” ti Bago. Imbag pay man ta adda met laeng ti naadal ko man tatta. Uray la nga nagsakit ti ulo’k dyem nga mang awat ti kayat da nga ibaga, but it’s ok, I learned something. Sige, isuruan dak ti dagitoy tapno amok to met ket maki daniw ak to. Hehehe…

    Babot

    Reply
  3. Anonymous

    ay dwayya ni domini dwayya
    ay appok nakita yon
    t ayat ti tattao kadakayo
    nga agsinnimpungalan…
    manipud tatta nga aldaw
    kas inkayon inpablaak ti
    ayat ti maysa ken maysa.
    -alla sika met nga baket!

    WEn appok nga domini duwayya
    ta anya ngay ket intungpal yon
    ta bunga ti innarasaas
    yo ken panagayat ti maysa
    ken maysa ala a ket nangngegan yon
    amin nga sarsarita ken bagbaga
    -aguray ka nga lakay ituloyko

    ti panagrayo ken dayaw ti
    inkay salakniban ta isu met
    ti kinalikaguman yon
    daytoy nga aldaw diay sango
    ni Pastor ken ti tallaong
    nga inkay inawis.
    -bagim pay nga lakay (basi)

    wen aya domini duwayya
    dagitoy nga inkay inawis
    ket inakalikaguman da
    ti nangor-or ti amin da
    tapno adda inkay pangrugian
    nga mangbukel ti abong-abung
    nga inkay imdegan.
    (alla leppasekon toy paset ko)

    abong nga napnuan ayat ken dayaw
    nga pangbuklan ti bunga ti ayat
    nga mangted ti rag-o
    saan ket nga sakit ti ulo
    isu nga mangsalaknib
    ti biag tayo nga agkakabsat.

    Aya ket baw apay nga kasta ibagbagamon siakon.

    alla domini duwayya
    nasayaat met no denggenyo
    ni apo yo lakay nga napartak ti utek na adda pay berberde na
    gapu ti tapey nga inna
    met inibusen kasus
    ngem ala kastan.

    wen amin nga patigmaan
    nga nangnangngenyo
    isu da ti balitok nga
    inkay idulidulin dita
    kaunggan puspusyo
    ta isu kired yo no umay
    peggad ti panagassawa.

    ken sika nga lalaki saan
    ka met nag mapan dita paldit a
    no madanon ti panagaapit
    maawatam! ta umay to met
    panagmumula ket nasimpen
    ti panagdenna yo…

    kasus siak nga baket sika ti berde
    ti ututek na ala ited tan

    ay duwayya ay duwayya
    iyawat mi ti sangakaban nga
    pirak para kadakayo
    saan nga ususaren no di ket
    inkay ilakasa ta madanon to
    panawen nga inkay iruar.

    laglagipen yo nga adu nga ima
    adu nga bannog ti naggapuanda
    dagitoy ket inkay salakniban
    mausar no gawat
    agservi ti narugian nga
    kamaan yo .

    alla sika nga lalaki awatem
    daytoy ket inka iyawat
    ken baket mo
    ket sika nga baket isusuon mon a
    ta inka ikabil diay lakasayon
    dika tumaltayaw derecho!

    kimat

    Reply
  4. Anonymous

    agakara mayat ni kimat! sinno ngata ti iduduwayyaan na nga agkasar ala imbag met ta maadal tayo mga sis ket mabalin tayonto nga aramiden met kasta gayam ngem kasano nga mamemorize dagita nagadu met ti words na hehehe ilokano-bago pay hahaha!
    evz

    Reply
  5. Anonymous

    Ali man dakayo nga nagannak,
    agawaan yo met ti agurnong
    tapno no kunan to dagiti appo
    nga mapan dan ti umno,
    ay ket sisasagana tayo.
    kitaen yo laeng a,
    nga saan ton nga gawat,
    ti intay to panagiyawat.

    irana yon to met, ti panagaawid
    dagiti adda abrod, tapno
    ad-adumet makaod, maidallot.
    ket isu a, kitaen yo laeng
    nga dagita duwwa ket agininnayat
    nga pudpudno awan balat,
    kas umatiddog ti kasar,
    ti relasyon ket mayat.

    ala, nabussobussogak, di kalman adda boda, adda manen tatta,
    nagsinnong bangir gayam,
    kasaran tattan,
    adda laud, adda daya,
    adda igid, adda tengnga.
    awan ngarud luto-luton
    ta intay la aglagto-lagton,
    malpas dyay, dita met,
    ay nagmayaten,biag toy Sagunton.

    apo lakay…
    innak pay maturog

    Reply

Leave a Reply