Online newsletter for the citizens of Sagunto, Sison, Pangasinan, Philippines
“If future generations are to remember us more with gratitude than sorrow, we must achieve more than just the miracles of technology. We must also leave them a glimpse of the world as it was created, not just as it looked when we got through with it.”
Lyndon B. Johnson, President of the United States 1963-1969
I was having an email discussion with my sisters (Eva and Ems included) about putting a link on this blog site to Wikimapia (a Google Earth type of satellite map but with a data layer to enable users to label place names and other functionality). We decided against doing that but while playing around Google Earth I scanned towards Labayug to see if I can locate the infamous Northern Cement Factory. I did and here is a photo of it.
That’s an entire mountain destroyed to make cement! Thousands of trees were killed, the animals that lived on those trees gone, and the life-giving oxygen produced by those trees extinguished. I can’t even imagine the amount of pollution that drains into the river when the rains arrive, not to mention the mudslides that destroy the lowlying farm lands below it.
When I was in Sagunto I actually heard someone say that “yes, what NCC did to Labayug is ugly, but hey, they have paved roads”. Huh? The town traded a beautiful mountain for paved roads? Well, duh! Of course, NCC had to pave the road so the huge cement loaders and other high polluting trucks can rumble past the town spewing the stinky diesel fumes; so it can go up and down the mountain to finish destroying what mother nature took millions of years to make!
I hear that there are rumors about NCC’s plan of expanding its monstrous operation into our beautiful barangay?! Let me ask my fellow Saguntonians this question, What would you (as an individual and as a barangay) do if you thought this expansion is coming to your door step? Would your response be the usual “bahala na” or “nasa dios” reaction, or would it compel you to organize, educate, network and fight the monstrosity? Do YOU want what happened in Labayug to happen in Sagunto? Please leave a comment, I’m a curious ignoramus
~Babot
Join other Sagunto STARS on facebook!
Sagunto Star
Promote Your Page Too
nappanandan dagitay kakadwa?
ayyyaket nga igginekda?
im-immeyan da payen di ippogaw?
baw,naokosdansa?
tommaoli kayon a nga bebessatmi,
ta sumoblat kayo met a.
kabayatan nga agchatchards,
ti utek ni apo lakay kenni.. ponha.
Ala sige, imbes nga sarita ken sao laeng naglawlawak nga napan nagkita no ania ti mabalin nga aramiden para idtoy barrio tayo. Ania ngata ti ma-kapariing iti utek kadagitoy nga kailian tapno agpanunut da ken agaramid da ti mang papintas iti barrio tayo. Inkay kitaen diay barbaro nga contest ti Sagunto.
~Babot
How serious are you with this Babot? Dayta a tapno saan laeng nga bagbaga. Let’s do it. Husto met siguro dayta bassit nga puunan.
Hmn, what business would be good for me , my family and the barrio?
Indigenous materials? Agribusiness? Metal? Scrap? Mabalin amin nga harmless right?
Alahoy! Alahoy! Umaykayod’toy
Adda gayam pakontes ditoy!
Eco-friendly,micro-business kano,
Intay amin iwaras ti balbalay,
Barbareng makatulong nga inaldaw
Pagbiagan ti barangay.
Ahoy, Ahoy! Saan kay kapoy-kapoy,
Daytoyen ururayen, intay ibando
Saan ya nga trabaho,
Ti kaya-kayat tayo?
Ti mayat,sika met laeng boss mo,
Madi ka pay, umaykayo ditoy Hooy!
Panunutem kano, maysa a proyekto
Agaramid ti plano nga uniko,
Agmula,ag-risaykel,nadumaduma
Iruarmon nabayag mo nga ibagbaga.
Premyo kano aggapo’t Amerika
Pasibe sisters dan sa, Ahooy!
Ket anya ngata ti napintas
Bisnis nga nadaras mangakas
Kadagiti nalaka nga maala
Agaywan met laeng bangbangkag da,
Ala sige, irugi yon Kaka,
Agragsak,dumngeg da gayam Ahooy!
apo lakay
Siyak manen, simmangpetak gaminen
Aggapo’t Manila, ay apo, aya,
Nabanno-bannogak, nagpas-pasyarak
Nagliblibutak, Manila nga kunak.
Ayna, kabutbuteng gayam nakitak,
Agbasat peryodiko,kigtot ti riknak
Nakita yon aya dagiti kunkunada,
Ladladingit,sangsangit,adu-ado da.
Ay Apo, inton anu ngata,
Nga agulimek amin a pinarsua,
Maiikkan respeto biag ti tattao,
Agari ti Dios nga Apo tayo.
Itatta, umay ti dyaryo nga baro,
Lumang Bago, nga kuna da,
Sagunto Star gayam dayta,
Ala sige, isubli tayot kultura.
Malagip ko dayta nga ubing,
Narding Editor agpalaud agpadaya,
Agited ti dyaryo, ragsak ti baryo.
ALA TATTAO, ISUBLI TAY TI RAG-O!
apo lakay
Hehehe, tenk you apo lakay! Sapay met kuma ta adda ti makangeg iti pokkaw yo. Sapay koma ket addo ti maki join ti daytoy nga contest para ti Sagunto.
~Babot
cool presentation guys agpalapaliiwak pay lang as if am lost heheheheh!evz
ayeee nagadun ti kunkunatayo ditoy kabaryuan sigun ti paspasamak ti biag ket kalgaw manen kasta unay nga bara ti panawen diay patapanko dita ak nga agtugtugaw kas agpalpaliiw idi ti tattao nga lumablabas uray mano nga oras mayat latta ngem awan metten dayta nga patapanko ken no agtugaw ka la bassit dita igid kalsada mariknam ti tapok asok ken angot ti agkakanat nga dumket ta bagi isu nga mapan ka manen agsuyat kunam kasus awan met danum dita gripo urayem a ti batang mo kunada pay sus sakanto la ngarud agsuyat no sumangpet ti danum ket no awanen ngay ti danum ananusamon a ni angdod. paliiw ko lang daytoy ta malagip ko tay patapanko ditoy nga disso idi.
kimat
Ayo!ayanyo ngay Ponha ken Sakyo,
naimbag ket ni Kimat naisalat,
agkakanat dagiti istorya na, patapanko ta dalan ta baba,
ay na, kalaklakayan kan sa a.
pannawen ti 60′s patapanko dita,
pangipanan ti natnateng ken bunga,
naggapo’d ta bantay ti Palina,
Pilawan, Ken Gante dita daya,
solar amin, paraangan nga karga.
nagmayat anya, pamay-an tay idi,
uray awan ti kwartam sannabali,
mangiyapan ka’t tiklis ta baba,
produkto ti dagam baydan na,
am-amin nga kayat mo nga sukat na.
barter istayl sa dayta ti Sagunto,
kamayatan nga panaglaklako,
ngem awan samet mannalon tayon,
agbangkag ken agmula’t utong,
tabako, unas, ken balbalatong.
ket apay aya daytoy nga danum,
naimot kadatayo nga agnanayon,
awan pay pagsibog ken pagluton,
digos ni Kimat,agtidted tagripon,
napdukan amin nga banbantay tayon.
ket dagita CYF nagmula dan sa a,
di 90′s ta sinapangan ti gmelina,
tinugkelan dat ado nga sidlings,
depositot danum,aglikmot ta baryo,
inaywanan ngata dagiti tattao?
opisyales ti baryo nagisursuro,
panagimula ti nateng ken kaykayo,
nasayaat koma no itultuloy tayo,
dagitoy nga proyekto, panagdaulo,
bantayan tayo, dalusan ti baryo.
apo lakay
nagsasayaat ken nagpipintas nga kapampanunutan… makapabang ar nga makabasa ti dandaniw ken salidummay ti kabarioan. nasaysayaat pay kuma no maikur-it tay met ti nagan tayo tapno ammo tay met ah ti naggapuan na dagitoy nauuneg ken nababagas nga kapampanunutan …. jerry sadi laud
jerry komosta ka
dita canada a kunada
imbag man ta naanusam
ti lam-ek ken isno idi kalman?
no mabalin la koma
indakam koma ipalladawan iti niebe
ta halo-halo indakam koma iyaramidan
agkatang-katang laeng toy panonotko
gapu ta barangay ingka inadaywan
madi man ta nem-nemmo idi
nga indakam panawan
ngem inya ngay ngarud
gapu ta naunget ni pompom
isut maysa nga ingka inadaywan
hehehe,agkatawaak man
ta dida maawatan
ti kababalin ni pom pom
aglalo no naggapot piliwan
apay konam?wen a
ta uray la agkiamkiam ti panagkitam
aglalo no kumitakat tangatng.
kasla mayat idi
ngem no talyawem iti likodan
ay madi gayam
ta isut nakatagtagbatan ni kapis ket isut gistayna nakatayan
agbabawi akon kinunana piman
ngem tay kunadan
da damids is dan
isut gapo nga inna inadbaysan
sumarsarono a kapototan
nga inda koma masorotan
nalinteg a dalan nga inda pagnaan
innak man komostaan jmom omom evs ken emily dita japan
nga isuda piman ti kaaktiboan
sagunto blogspot a dap-ayan.
ayyaket ayan dan?
kasus ingkay met itatalnan.
imbag pay ni apo laks ken ni kimat
ta aghubli-hublida piman
ket haan datay a malipatan
ponha
ay wen aya ponha ta anian nga ragsak toy numo toy biang
kas sipapaliiw ti amin nga paspasamak iti aglawlaw
unay ti rag-o ta toy nadayaw nga
lugar dagiti bago nga kunknada ket
napnuan talna ken ayan ayat
no isu ti pagsasaritaan.
napanak diay ciudad ti dumaya
iti provinsya diak la ninamnama
nga kasta ti kairut ti kampanya
politika ditoy kasta met idiay
kunak nagasat ti daytoy nga barrio
ta naulimek latta
nomanpay agur urayak met
tay kunada nga iyarikapda.
awatek to dayta ngem diay kayat ko nga artista isu latta
ti innak to imaldit no madanon
ti panagpipili ket yaman pay
ta adda iyalak ti kabeng
nga inkam to pagsasanguan
sakbay nga atipaendakami
ta maiparit gayamen ununaan min.
nasayaat la unay no madanon ti eleksyon nga kakastoy
aglayos ti painom ti kankantina
ta isu met ti dawat ti mammartek
tapno tuminor ti utek da
ket maiyebkas latta ti adda ti
kapanunutan ni pulano
nga di pay met naglati.
ala man gagayyem nga mannaniw ta
agpanpanunot tayo met dayta nga pasalip nga napanunot dagitoy annak ti Sagunto imbag to la nga mangabak adda iyala ti sanga kaban
nga bagas nga pagtugawan no tiyempo ti gawat.
madi kay pay!
kimat
Ala ket ada ak pay laeng ngem tiempo ti ag bayad ti bues idtoy America iso nga pinanawan kayo bassit. Ala sige, ituloy yo dagiti nagpipintas nga daniw, deskurso, etc. Isu ti kailangan iti tattao nga mabasa ditoy tapno ada met ti maadal da. I’ve never been more proud to say I AM BAGO (uray man no bassit laeng ti kina “Bagets” ok na din, hehehe).
Hello, hello adtoyak met, madama nga manglutluto ti SECOND CONTEST:
“3G Going Great and Green,
Environment Care Group Contest”.
Ibagak man laengen.
Babot will upload it soon, but here’s the brief intro. With the feedbacks from some youth, medyo bassit kano dyay papremyo nga 5000 PHP for the first prize. Aguray kano ta umay pay dagidiay other promises tapno ngumatngato ti premyo para iti GREEN GROUP. MORE PRIZE SPONSORS ARE NEEDED….DO YOU HAVE ANY TO SHARE? Contact the web admin. Okay, urayen yo laengen kano dyay contest rules.
Ti kalgaw iyegna manen
ti nakaro nga salimuot
ti panyempo
kas kapudot ti aglawlaw
nga dipay masabaan
toy bagi nga kumapkapsot.
mapanak agpariir kunak
koma diay sirok ti mangga
ngem awan metten ta napukan
gayam di napan nga tawen
diay kakaisuna nga pinuon.
nasuktan metten ti uong
nga balaybalay pagtutugawan
dagiti agtutubo
nga diak maawatan
ti lengguahe da.
ayannan diay pintas
ti aglawlaw
diay kinaberde
ken kinaannayas
ti pul-oy ti angin
no kastoy nga kalgaw?
ayannan diay
salaknib no umay ti peggad
nga pinuon
manipud laud nga
agpadaya?
ayannan diay
linong ko no innak agudong
pagpagnaek nga ipadaya
ti masapul ti taeng
ken diay talon?
ayannan dagidiay
nga sonata ti tumatayab
nga mangipalpalagip
ti ayat ti Dios
a namarsua?
ayandan diay pagraranudan
ti agkakaarruba
nga natnateng ti arubayan
nga kasta unay ti sadiwa
ken lasbang da?
nagbalbaliw ti panawen
wen umannamungak!
ngem ti aglawlaw
ti Ina daga nga naipatawid
salakniban tayo koma.
Ni Ina Daga malmaldaang
unay gapu ti kinabaybay-a tayo
naabuso la unayen
ket masapul nga kawesantayo
ti ayat ken pannangilala.
awan sabali nga mangaramid
iti kasta no di datayo
kas nakaitalkan na la unay
bumangon, bumangon
rugian tayo amin.
agkikinnamayet
saan nga agkikinammet
ti tulbek adda kadatayo
saan tayo nakakawar
nga agaramid ti pannakaisalakan.
pannakaisalakan ti aglawlaw
pannakaisalakan sanikua
pannakisalakan ti umili
pannakaisalakan ti biag
pannakisalakan ti Namarsua
KADATAYO AMIN!!!
*mayat sa daytoy nga putar ko tatta
ania ti makunayo? ta nakabakasyon dagidiay ka session ko dita kantina.
kimat
dayta’t makunam sika,
adtoyakla bangir agtabtabako,
ngem nakaado kansa tattaa,
nauma nga nagur-uray ti kakadwa, kitaem man,limmeknawen panunot tan.
ket makasangitak pay nga nagbasbasa
daydi ladladawan ti aglawlaw,
idi kalman tay laeng nakita,
abocado nga agregreg no bagyo,
barairong nga aglagto,ububbing agsibbul naiimas bunga’t kaykayo.
naiisem nga kaaruba ti makita,
napnek da ti ayat ken kapya
aggapot eskwela ken kapilya,
awan bisin, sakit ken rigat,
ta pintas ti aglawlaw,
agaywan ti tattao nga inaldaw.
anges ti daga nadalus, nalamuyot,
awan sakit, makaangkit nga tapok,
nasam-it la nga kankanen, iruban
ti pul-oy ti angin, makaiguyod
ti pannagawid, makapailiw ti balay,
pagur-uray ni apom baket ken lakay.
ket kas ingka agpabaryo,umasideg ti gagayyem nga gunglo,
agkakatawa, agiinnistorya,
dyay sirok ti mangga,
agtutubo nga idi kuan immadayo,
naglipat dan,dagiti pigsa ti tribo.
umuli ka’t bantay ket makitam,
natatayag nga payong nga anaaw,
linong mo nga agpangato,mangkita ti adayo nga laud ken baybay,
kolor na ket rosas a napintas,
makapalag-an ti barukong,liday.
ket saan aya nga kadwam pay idi
ni apong mo nga nagitudtudo,
sipnget dyay init,limnek dyay laud
ket kinunana, rumuar to met laeng,
baro nga init, urayem diay daya.
kas kitaem dayta natayag a bantay,
pagur-urayam ta ubing nga aldaw,
aywanam ta berde nga kamen na, sarapaem ta daga ta di maguday,
isarbam ta bigat nga umay.
ditoy turod, makitak ti bituen,
sumipngeten, kitaem ta tangatang,
umay ti lugan aggapo’t abagatan,
maysa a kariton, agtulid-tulid,
dakkel ti lampara, sapay koma.
apo lakay
og good adda ti naluton nga proyekto, adda ti iplanplano padasek met ti mangiyinaw iti maysa nga pasalip ibagakto intono madanon no saan nga masukto hahhaha! isu nga daytoy madama nga maiyininaw nga pasalip ket siguradon dagidiay kanayon nga mangsuksukain toy sagunto blogspot
para ubbing nataengan awan taeng na hehhee! basta wait and see masapul nga napaliiw kayo sipud di rugi na daytoy nga net connection.
evz